Plantun de Prouvènço

Pèr coumpara dos planto d'encò nostre

Myosotis arvensis & Carduus litigiosus

Te-vese-e-t'ame(-de-champ)

Myosotis arvensis

Boraginaceae

Àutri noum : Ti-viéu-e-t'aìmi, Uei-de-l'enfant-Jèsu.

Noms en français : Myosotis des champs, Myosotis intermédiaire.

Descripcioun :
Aquéu te-vese-e-t'ame trachis di plano de coustiero fin qu'en mountagno. Es uno planto coumuno, mai pas toujour eisado de destria de si cousino. Dins lou group di flour pichoto (1 à 4 mm), soun pulèu li mai grando, si cambo soun un pau mai espésso (> 1mm), e emé d'enflourejado que fan mens de la mita de la planto. Se recounèis classicamen que li pecou di flour d'en bas dèvon èstre dous cop mai long que li sepalo di flour, mai sèmblo pas toujour lou cas.

Usanço :
Li flour podon se bouta dins lou mesclun. Se dis que li te-vese-e-t'ame soun vertuous contro l'enflamacioun, majamen pèr lis iue ("principe di signaturo").

Port : Erbo
Taio : 10 à 60 cm
Fueio : basalo
Tipe bioulougico : Emicriptoufite
Cicle bioulougico :

Gènre : Myosotis
Famiho : Boraginaceae

Coulour de la flour : Bluio
Petalo : 5
Ø (o loungour) flour : 2 à 4 mm
Flourido : Printems - Estiéu

Sòu : Ca
Autour basso e auto : 0 à 1400 m
Aparado : Noun
Abriéu à setèmbre

Liò : Ermas - Prado - Tepiero sablouso - Bos clar
Estànci : Termoumediterran à Subaupen
Couroulougi : Éurasiatico
Ref. sc. : Myosotis arvensis (L.) Hill, 1764

Cardoun(-litigious)

Carduus litigiosus

Asteraceae Compositeae

Nom en français : Chardon litigieux.

Descripcioun :
Aquéu cardoun trachis dins li tepiero seco cauquiero subretout au levant de Var. Èi pamens pas raro de l'autre man de Prouvènço fin qu'à Ventùri. Lou cardoun-litigious douno d'èr au cardoun-negrous, pamens la cambo e li fueio soun proun pelouso e coume cuberto de telaragno blanco ; li pougnoun soun roujo. Se destrìo subretout bonodi li bratèio di capitule que soun virado devers lou cap.

Usanço :
Tóuti li cardoun soun manjadis, majamen li tijo, pamens avèn pas d'entresigne sus d'usanço couneigudo pèr lou cardoun-litigious.

Port : Grando erbo
Taio : 0,3 à 3 m
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Carduus
Famiho : Asteraceae
Famiho classico : Compositeae
Tribu : Cardueae
Ordre : Asterales

Coulour de la flour : Roso
Petalo : >6
Ø (o loungour) enflourejado : 2 à 3 cm
Flourido : Printèms - Estiéu

Sòu : Ca (Si)
Autour basso e auto : 0 à 1800 m
Aparado : Noun
Mai à juliet

Liò : Tepiero seco - Roucaio - Garrigo - Ermas
Estànci : Termoumediterran à Mountagnard
Couroulougi : Mediterrano-Mountagnouso-Nord-Ouèst
Ref. sc. : Carduus litigiosus Nocca & Balb., 1821

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Myosotis arvensis & Carduus litigiosus

Coumpara Te-vese-e-t'ame(-de-champ) emé uno autro planto

Coumpara Cardoun(-litigious) emé uno autro planto